Para sa aking mga TUNAY na kaibigan.
Sunday, December 2, 2012
Tuesday, November 20, 2012
Saturday, September 29, 2012
PIYESA SA SIGABO 2012 (REGIONAL CONTEST)
SINING: TULAY TUNGO SA PAG-UNLAD
NG KINAGISNANG KULTURA
NI: Bb. WINNAFLOR G. GASPAR
Kultura..repleksyon
ng ating kasaysayan
Pagpapakita
ng tradisyon, pamahiin, kaugalian maging edukasyon
Iba-iba
man ang pinagmulan
Iisa
ang pinatunguhan
Ang
pagkakakilanlan ng bansang ating pinaglaban!
Bayanihan,
pakikisama
Hiya,
delikadeza,
Utang
na loob, palabra de honor, bahala na
Pagmamahal
sa pamilya, paggalang sa matatanda
Pagdarasal
sa ating Poong Maykapal
Mga
kaugaliang Pilipinong di dapat mawaglit, di malilimot.
Pasko,
Bagong-taon,
Mahalnaaraw,
Todos los Santos
Santakrusan,
pyesta,pestibal
Mga
selebrasyong patuloy na ipinagdiriwang.
Ngunit...
Dahil
sapatuloy na pag-inog ng panahon
Kultura’y
nalilimot ng bagong henerasyon
Teknolohiya
at mga makabagong imbensyon
Ang
tumitimo na sa isipan ng kabataan ngayon.
Limot
na nga ba, ang ating kultura?
Mga
tradisyon ng ibang rehiyon ay naisantabi na!
Pagka’
t niyakap na ng makabagong panahon,
Ang
kultura, na siyang nagpatatag sa ating pagka-Pilipino.
Gising
Pilipino, Gising, Gising!
Gisingin
ang natutulog na damdamin
Gisingin
ang diwang natabunan ng dilim
Gising
Pilipino, nariyan ang Sining!
Sayaw,
musika, arte, pintura
Literatura,
arkitektura, midya at iskultura
Lahat
ng ito’y makatutulong
Sa
pagsulong at pag-unlad ng ating kultura.
Kilos
ng katawan, talas ng isipan
At
indayog ng ating natutulog na nakaraan
Mga
sayaw at ritwal ng mga ninuno
Bahagi
ng sining sa ating kultura.
Himig
ng nakalipas na panahon
Tinig
ng kasaysayan
Mga
kantahingbayan ng bawat rehiyon
Musika’y maikikintal at maiparirinig.
Tinta
ng katalinuhan
Pluma
ng karunungan
Mga
kwento noong unang panahon
Sa
pamamagitan ng Literatura, mababasa ang likha ng mga makata
Kulay
ng imahinasyon
Pintura
ng nagngangalit na kahapon
Mga
larawan ng dapit-hapon
Sa
tulong ng biswal, mabubuhay ang gunitang nagpatiwakal.
Maskara
ng katotohanan
Tanghalan
ng nagkukubling kaganapan
Dalit,
duplo, sarswela’t karagatan
Sa
tulong ng arte, magigising ang diwa’t damdamin.
Sa
tulong ng sining, kultura’y mapananatili
Sa
tulong ng sining, kultura’y maipamamahagi
Sa
tulong ng sining, kultura’y susulong
Sa
tulong ng sining, kultura’y uunlad..
Pagkat
isa ang sining, sa instrumento ng pag-unlad ng kinagisnang kultura.
NANG MAKILALA KO ANG ISANG BATIKAN
Hindi ko alam kung bakit ako napatahimik
nang makita ko siya sa personal
siguro'y nabigla ako at natakot
nang makita ko siya sa personal
siguro'y nabigla ako at natakot
pagkat siya ay nasa kaseryosohan
naisip ko bigla
lahat ng kanyang nagawa
lahat ng kanyang pinaglalaban
na nababasa ko kung saan
kaibigan siya ng mga kaibigan ko
kakilala siya ng mga kakilala ko
kaya't minsan nasabi ko sa sarili
"magkakatagpo rin tayo"
sinabi ko rin noon sa sarili na pag nakita ko siya
sasabihin kong hinahangaan ko siya (sa kanyang mga gawa)
ngunit di ko siya magambala
di ko kayang ipahayag
ako'y naglalaro
siya ay nagbabasa
ako'y palingon-lingon
siya'y nakatuon
ngunit
ako'y natuwa pagka't siya ay nagwika
akala ko'y masungit, mabait pala
ngayon..
masasabi kong isang tagumpay
na makita at makilala ng isang batikan
ang tulad kong nagsisimula pa lang sa aking larangan :)
"salamat sa libreng pamasahe sa tricycle"
naisip ko bigla
lahat ng kanyang nagawa
lahat ng kanyang pinaglalaban
na nababasa ko kung saan
kaibigan siya ng mga kaibigan ko
kakilala siya ng mga kakilala ko
kaya't minsan nasabi ko sa sarili
"magkakatagpo rin tayo"
sinabi ko rin noon sa sarili na pag nakita ko siya
sasabihin kong hinahangaan ko siya (sa kanyang mga gawa)
ngunit di ko siya magambala
di ko kayang ipahayag
ako'y naglalaro
siya ay nagbabasa
ako'y palingon-lingon
siya'y nakatuon
ngunit
ako'y natuwa pagka't siya ay nagwika
akala ko'y masungit, mabait pala
ngayon..
masasabi kong isang tagumpay
na makita at makilala ng isang batikan
ang tulad kong nagsisimula pa lang sa aking larangan :)
"salamat sa libreng pamasahe sa tricycle"
Wednesday, August 22, 2012
NEMO: ANG BATANG PAPEL ni Rene Villanueva
1.
Si Nemo ay isang batang yari sa ginupit na
diyaryo. Pinunit-punit, ginupit-gupit saka pinagdikit-dikit, si Nemo ay ginawa
ng mga bata para sa isang proyekto nila sa klase. Ngayo’y bakasyon na. Si
Nemo’y naiwang kasama ng ibang papel sa silid. Nakatambak siya sa bunton ng mga
maalikabok na polder at enbelop.
2.
Isang araw, isang mapaglarong hangin ang
nanunuksong umihip sa silid. Inilipad niya sa labas si Nemo.
3.
Nagpalutang-lutang sa hangin si Nemo. Naroong
tumaas siya; naroong bumaba. Muntik na siyang sumabit sa mga sanga ng aratiles.
Nang mapadpad siya sa tabi ng daan, muntik na siyang mahagip ng humahagibis na
sasakyan. Inangilan siya ng dyip. Binulyawan ng kotse. At sininghalan ng bus.
4.
Mabuti na lamang at napakagaan ni Nemo.
Nagpatawing-tawing siya sa hangin bago tuluyang lumapag sa gitna ng panot na
damo sa palaruan. Nakahinga nang maluwag si Nemo. Ngunit nagulantang siya sa
dami ng nagtatakbuhang paa na muntik nang makayapak sa kaniya. Naghahabulan ang
mga bata at kay sasaya nila!
5.
Araw-araw, tuwing hapon, pinanonood ni Nemo ang
mga naglalarong bata. Inggit na inggit siya sa kanila. Tuwing makikita niya ang
mga bata sa palaruan, gustong-gusto rin niyang maging isang tunay na bata.
6.
“Gusto kong tumawa tulad ng totoong bata! Gusto
kong tumakbo tulad ng totoong bata! Gusto kong maghagis ng bola tulad ng
totoong bata!”
7.
Sabi nila, kapag may hiniling ka raw na gusto
mong matupad, kailangang sabihin mo ito sa pinakamalayong bituin sa langit.
8.
Kaya isang gabi, matiyagang nagbantay sa langit
si Nemo. Hinintay niya ang paglabas ng pinakamalayong bituin. At nang makita
niya ito, sinabi niya ang kaniyang hiling.
9.
“Bituin, bituin, tuparin ngayon din Ako’y gawing
isang batang masayahin!”
10. Pumikit
nang mariin na mariin si Nemo. Naramdaman niyang parang umiikot ang paligid at
nagkakagulo ang mga busina ng sasakyan.
11. Totoong
bata na si Nemo! Pagdilat niya’y kasama na niya ang kaniyang totoong Tatay na
walang trabaho, at totoong Nanay na payat na payat, at walong totoong kapatid
na ang ingay-ingay sa isang masikip, makipot, at tagpi-tagpi pero totoong
bahay.
12. “’Wag
kayong tatamad-tamad,” sigaw ng kaniyang totoong tatay. “Magtrabaho kayo!”
13. Kaya
napilitang tumakbo si Nemo palabas ng bahay.
14. Palakad-lakad
si Nemo sa kalye. Hindi niya pansin ang mga humahagibis na bus. Hindi niya
pansin ang mga humahagibis na dyip. Isip siya nang isip kung paano makakatulong
sa kaniyang totoong pamilya.
15. Kahit
bata pa, napilitang maghanapbuhay si Nemo. Sa umaga’y nagtinda siya ng
sampagita at humahabol-habol sa mga kotse.
16. Pagod
na pagod si Nemo araw-araw. Pakiramdam niya, pabilis nang pabilis ang kaniyang
pagtanda. Kaya naisipan niyang pumasok sa eskuwela. Sumilip siyang muli sa
paaralang pinanggalingan niya.
17. Pero
dahil marumi ang kaniyang suot at wala siyang sapatos, inirapan lang si Nemo ng
libro.
18. “Hindi
ka bagay dito!” sabi ng libro.
19. “Ang
baho-baho mo!” Nagalit din sa kaniya ang mesa.
20. “Ang
dumi-dumi mo!” sinigawan din siya ng pisara.
21. “Alis
diyan!”
22. Kaya
napilitang tumakbo si Nemo. Nagtatakbo siya nang nagtatakbo hanggang sa gilid
ng dagat. Sinabi ni Nemo ang problema niya sa dagat pero naghikab lang ito. At
kahit ang alon na puno ng layak ay nagtakip ng ilong nang maamoy siya.
23. “’Wag
mo nang dagdagan ang basura dito!” sigaw nito kay Nemo.
24. Malungkot
na naglakad-lakad si Nemo. At sa maraming kalye ng marusing na lungsod, sa
bawat sulok ay may nakita siyang mga batang-kalye. May nagbebenta ng sampagita.
May nagtitinda ng sigarilyo at diyaryo habang maliksing sumasabit-sabit sa mga
sasakyan. May mga kalbo, galisin, at palaboy na yakap-yakap ang supot na
plastik na kapag sinisinghot nila ay parang nagguguhit sa kanilang mukha ng
mangmang na ngiti. May mga batang butuhan ang binti at malamlam ang mata na
akay-akay ng matatatandang puti na parang kislap ng balisong ang kislap ng
mata.
25. “Kay
dami-dami palang batang kalye,” naisip ni Nemo.
26. Kung
gabi, kung halos hindi umihip ang mapanuksong hangin, ang mga batang kalye ay
nagtitipon-tipon sa parke na may monumento ng bayaning may kipkip na libro.
Tumatakbo sila. Naglulundagan. Nagbibiruan. Naghahagikgikan. Pero napansin ni
Nemo na walang taginting ang kanilang halakhak. Parang pumanaw na ang kislap sa
sulok ng kanilang mata.
27. Sumama
si Nemo sa iba pang batang lansangan. Nagtipon-tipon sila sa isang bahagi ng
parke. At sa dilim ng gabi, nagsimula silang maglaro at magkantahan. Nalaman ni
Nemo na marami palang batang tulad niya. Mga batang lansangan, mga batang kailangang
maghanapbuhay dahil sa kahirapan.
28. Tinipon
ni Nemo ang iba pang batang lansangan. Nang magkuwentuhan sila, nalaman nilang
pare-pareho pala ang kanilang gusto: mapagmahal na magulang, maayos na tahanan,
masayang paaralan, at sapat na pagkain.
29. Ipinagtapat
ni Nemo ang lihim na kaniyang natuklasan. Matutupad ang anumang pangarap kapag
hiniling sa pinakamalayong bituin. Sabay-sabay silang tumingala sa
pinakamalayong bituin sa langit at hiniling nila ang lahat ng ito.
30. “Bituin,
bituin, tuparin ngayon din Lahat kami’y gawing batang masayahin.”
31. Sa
isang iglap, lahat sila ay naging batang papel. Inilipad sila ng hangin. Kay
gaan-gaan ng kanilang pakiramdam. Kay saya-saya nila dahil malayo na sila sa
magulong pamilya, malupit na eskuwela, at maingay na kalsada.
32. Nagtaka
ang mga taong nakakita sa palutang-lutang na mga batang papel. Marami ang naawa
sa kanila. Pero ang hindi nila alam, mas maligaya na ngayon ang mga batang
papel, gaya ni Nemo, kaysa mga totoong bata na kailangang makibaka at mabuhay
sa malupit na kalsada.
Sunday, August 12, 2012
PARUPARONG BUKID
Paruparong bukid na lilipad-lipad
Sa gitna ng daan papagapagaspas
Isang bara ang tapis
Isang dangkal ang manggas
Ang sayang de kola
Isang piyesa ang sayad
May payneta pa siya — uy!
May suklay pa man din — uy!
Nagwas de-ohetes ang palalabasin
Haharap sa altar at mananalamin
At saka lalakad nang pakendeng-kendeng.
Kanina, habang pinapasuri sa amin ng prof ko ang awiting bayan na ito, nakaramdam ako ng hiya sa sarili ko. pagkat mula pagkabata, ang alam ko lang eh tungkol sa paruparo ito... ngunit nagkamali ako. Dahil sa kantang ito, naturuan kami ni sir na magkaroon ng kritikal na pag-iisip at wag sabihing alam na ang isang bagay, sabi nga niya, HOW DID YOU KNOW THAT YOU KNOW? Panalo ka talaga sa galing Amang JCR.
Sa gitna ng daan papagapagaspas
Isang bara ang tapis
Isang dangkal ang manggas
Ang sayang de kola
Isang piyesa ang sayad
May payneta pa siya — uy!
May suklay pa man din — uy!
Nagwas de-ohetes ang palalabasin
Haharap sa altar at mananalamin
At saka lalakad nang pakendeng-kendeng.
Kanina, habang pinapasuri sa amin ng prof ko ang awiting bayan na ito, nakaramdam ako ng hiya sa sarili ko. pagkat mula pagkabata, ang alam ko lang eh tungkol sa paruparo ito... ngunit nagkamali ako. Dahil sa kantang ito, naturuan kami ni sir na magkaroon ng kritikal na pag-iisip at wag sabihing alam na ang isang bagay, sabi nga niya, HOW DID YOU KNOW THAT YOU KNOW? Panalo ka talaga sa galing Amang JCR.
Thursday, July 19, 2012
TANDANG SORA,INA NG NAG-AALAB NA REBOLUSYON SA PANAHON NG KASTILA
Melchora Aquino
Tandang Sora
Ina ng
Himagsikan
Ina ng Katipunan
Ang kadakilaan
mo ay ginugunita
pagkat ang iyong
buhay ay inalay, Para sa bayan!
Ang iyong
kagitingan ay inaalala
pagkat nag-iwan
ka ng magandang kasaysayan, Para sa bansang Pilipinas!
Ika-6 ng Enero,
taong 1812
Saksi ang
Caloocan sa iyong pagsilang
Pinanganak
mang mahirap, ngunit walang pagdurusa
Di man
nakapag-aral ay nakasusulat, nakababasa
Pinalaki kang
mabuti at may malasakit
ng iyong mga
magulang, Juan at Valentina
Pagkamaka-Diyos
ang siyang unang prayoridad
Simbahan ang
siyang ikalawa mong tahanan.
Fulgencio Ramos
iyong napaibig
Pitong anak ika’y
biniyayaang giliw
Ngunit nabalot
ng lungkot ang pamilyang pinagkaloob
Pumanaw ang
asawa, nang bunso’y pitong taon.
Di ka natinag,
di ka bumagsak
Singtibay ka ng
puno, singtapang ng mandirigma
Pamilya’y
binuhay nang mag-isa
Masaya, tahimik
at puno ng pag-asa.
Himagsikan!!
Nasaksihan ng
panahon mo ang kawalan ng kalayaan
Nang inagaw ng
dayuhan ang bansang ating pinakaiingatan
Hikbi ng mga
tao, galit ng mga Pilipino
Maririnig sa
bawat sulok, saan mang dako
Ang kalupitan ng
mga kastila’y nakamamatay
Pilipino’y
tinanggalan ng laya’t pinahirapan
Pagdurusa ang
araw-araw na almusal ng bawat pamilya
Paghihimagsik, Pagtatago
pagtangis at paglalaban!
Sa oras ng
kaguluha’y di ka umiwas
Mga sugatan ay
iyong inilikas
Ginamot,
pinakain, pinayuhan at inalagaan
Mga
rebolusyunaryo, hindi mo pinabayaan..
Ibinahagi mo ang
iyong yaman...
Ang naaapi’y di
mo pinagdamutan....
Puso ay
iyong inilaan..
Para sa
katipunan... sa himagsikan...
Takot ay di mo
ininda
Katandaan ay
hindi naging hadlang
Buhay man ang
siyang manganib
Hindi sumuko...
hindi bumitiw... hindi tumalikod, hindi nagtaksil...!
Ang pagdakip
sayo ay hindi makatarungan
Inagawan ka ng
laya dahil sa pagtulong sa katipunan
Dinala ka man sa
Mariana, at doon kinulong
Di ka
nagsalita,mga impormasyon di mo sinabi’t sinumbong!
Naghintay ka man
nang matagal sa ibang lupain
Pagbabalik mo sa
tinubuang lupa’y dumating
Subalit lahat ng
yaman ay nawala
Kaya’t namuhay
kang naghirap... isang maralita.
Na hindi
nagreklamo, at namuhay nang payapa.
Kalayaan!!
Natamo natin ang
kalayaan
At isa ka sa
dakilang bayaning nagpanumbalik ng ating kalayaan
Dahil ikaw ay isang
Pilipino! Dugong Pilipino! Dakilang Pilipino!
Tandang Sora,
kinilala ka sa panahon ng agaw-buhay na pakikibaka
Ikaw ang
nagsilbing ilaw sa mga taong nawawalan ng pag-asa
Simbolo ka ng
kabaitan, tatak ka ng katatagan
Kahit kailan, di
matatawaran ang iyong kadakilaan
Tandang Sora,
sanlibong taon
man ang lumipas
hindi ka
mawawaglit sa aming isipan
pagka’t sagisag
ka ng bayanihan
Tandang Sora,
Sa iyong
ikadalawangdaang taon
Buong puso
naming ipagsisigawan
Na ikaw ay
bayaning di namin makalilimutan!
Tandang Sora
Kaming mga anak
mo’y lubos na nagpapasalamat
Ikaw ang ina ng
lahing Pilipino
Ina ng nag-aalab
na pakikidigma ng mga rebolusyunaryo...
pyesa para sana sa kompetisyon ng sabayang bigkas para kay tandang sora
HULI NA...
Isinulat sa papel ang nais sabihin sa iyo
upang malaman mo ang nilalaman ng aking puso
dahil wala akong lakas ng loob
na sabihin mula sa bibig ang mga ito:
ako'y nahulog sa bisig at hindi nasalo
dahil ang kamay mo'y may ibang inaabot
ngunit tama na!
ang pagkalaglag ko'y husto na
mahal kita ngunit mahal mo'y iba
kaya't habang binabasa ang titik sa kalatas
mahalin mo man ako'y huli na
isinama ko na sa ihip ng hangin ang nadarama
upang hindi na ako masaktan...
huli na..
huli na...
subalit totoong mahal kita!
upang malaman mo ang nilalaman ng aking puso
dahil wala akong lakas ng loob
na sabihin mula sa bibig ang mga ito:
ako'y nahulog sa bisig at hindi nasalo
dahil ang kamay mo'y may ibang inaabot
ngunit tama na!
ang pagkalaglag ko'y husto na
mahal kita ngunit mahal mo'y iba
kaya't habang binabasa ang titik sa kalatas
mahalin mo man ako'y huli na
isinama ko na sa ihip ng hangin ang nadarama
upang hindi na ako masaktan...
huli na..
huli na...
subalit totoong mahal kita!
tulang isinulat ko noong 2006 para kay * * *
Saturday, July 14, 2012
Late na!
PINAKAMAHUSAY SUMULAT NG TALATA PARA SA PAKSANG "KINATATAKUTANG SUBUKIN"
GRADE 7-STAR: Mikka Dalit
GRADE 7-SPA: Chandria Kate Castro at Abigail Dotado
GRADE 7-STAR: Mikka Dalit
GRADE 7-SPA: Chandria Kate Castro at Abigail Dotado
Saturday, July 7, 2012
Sunday, June 24, 2012
KATAHIMIKAN
kung ang pag-ibig mo'y di para sa akin
hahayaan na lang kitang umibig ng iba
kahit na ako'y makaramdam ng sakit
basta lang sumaya ka
at matikman mo ang pagmamahal sa piling niya
dahil di ko kayang ibigay
ang pag-ibig na nais mo
sapagkat kaya ko lang ipadama
ang nasa puso ko
kung kaya't kahit anong sakit ay aking kakayanin
dahil ang saya mo'y kasayahan ko na rin
ako'y mananahimik...
panandaliang mananahimik...
upang kalimutan at taliuran
ang inaasam na pag-ibig
...mula sayo
Sinulat ko noong 2007
hahayaan na lang kitang umibig ng iba
kahit na ako'y makaramdam ng sakit
basta lang sumaya ka
at matikman mo ang pagmamahal sa piling niya
dahil di ko kayang ibigay
ang pag-ibig na nais mo
sapagkat kaya ko lang ipadama
ang nasa puso ko
kung kaya't kahit anong sakit ay aking kakayanin
dahil ang saya mo'y kasayahan ko na rin
ako'y mananahimik...
panandaliang mananahimik...
upang kalimutan at taliuran
ang inaasam na pag-ibig
...mula sayo
Sinulat ko noong 2007
Monday, June 18, 2012
Pinakamagandang Talata
PARA PO SA I-STAR AT I-SPA:
Binabati ko ang dalawang mag-aaral na ito na may PINAKAMAGANDA, PINAKAMAAYOS at PINAKA ORGANISADONG talata para sa gawain noong nakaraang Linggo. Dahil sa kahabaan ng kanilang talata, tanging pangalan na lamang nila ang aking ilalagay.
I-STAR
Jesille Vedasto
I-SPA
Chandria Kate Castro
Binabati ko ang dalawang mag-aaral na ito na may PINAKAMAGANDA, PINAKAMAAYOS at PINAKA ORGANISADONG talata para sa gawain noong nakaraang Linggo. Dahil sa kahabaan ng kanilang talata, tanging pangalan na lamang nila ang aking ilalagay.
I-STAR
Jesille Vedasto
I-SPA
Chandria Kate Castro
Sunday, June 10, 2012
SUNDALONG PATPAT
ANG SUNDALONG PATPAT
Rio Alma
Unang Pangkat:
“Saan ka pupunta, O, Sundalong Patpat,” tanong ng sampalok. “Saan ka dadalhin
ng kabayong payat?” “Hahanapin ko ang nawawalang ulan,” sagot ng Sundalong
Patpat habang inaayos ang papel na sombrero. “Pero hindi hinahanap ang ulan,”
nag¬tatakang nagkamot ng tuktok ang sampalok. “Dumarating ito kung kailan
gusto.” “Kung gayon, aalamin ko kung bakit matagal nang ayaw dumalaw ng ulan,”
sagot ng Sundalong Patpat at pinatakbo ang kaniyang kabayong payat.
Ikalawang Pangkat: “Saan ka pupunta, O, Sundalong Patpat,” tanong ng manok. “Saan
ka dadalhin ng kabayong payat?” “Hahana¬pin ko ang nakalimot na ulan,” sagot ng
Sundalong Patpat habang nagpupunas ng pawis na tumatagaktak. “Pero hindi
hinahanap ang ulan,” nagtatakang tilaok ng manok. “Dumarating ito kung
tinatawagan at dinadasalan.” “Kung gayon, aalamin ko kung bakit matagal nang
hindi makarinig ang ulan,” sagot ng Sundalong Patpat at pinatakbo ang kaniyang
kabayong payat.
Ikatlong Pangkat: “Saan ka pupunta, O, Sundalong Patpat,” tanong ng bundok. “Saan
ka dadalhin ng kabayong payat?” “Hinahanap ko ang nawawalang ulan,” sagot ng
Sundalong Patpat habang hinihimas ang kabayong humihingal. “Matagal nang umalis
dito ang ulan,” paliwanag ng kalbong bundok. “Nagtago sa pinakamataas na ulap.”
“Kung gayon, aakyatin ko ang ulap,” sabi ng Sundalong Patpat at umimbulog agad
sa simoy na pumapagaspas.
Ikaapat na Pangkat: “Saan ka pupunta, O, Sundalong Patpat,” tanong ng ulap. “Saan
ka dadalhin ng kabayong payat?” “Hinahanap ko ang nagtatagong ulan,” sagot ng
Sundalong Patpat habang tinatapik ang nahihilong kabayong payat. “Matagal nang
umalis dito ang ulan,” paliwanag ng maputlang ulap. “Nagtago sa pusod ng dagat.”
“Kung gayon, sisisirin ko ang dagat,” sabi ng Sundalong Pat-pat at lumundag
pabulusok sa mga along nakatinghas.
Ikalimang Pangkat: “Saan ka pupunta, O, Sundalong Patpat,” tanong ng dagat. “Saan
ka dadalhin ng kabayong payat?” “Hinahanap ko ang nagtatagong ulan,” sagot ng
Sundalong Patpat at iwinasiwas ang espadang patpat. “Pero hindi nagtatago ang
ulan,” paliwanag ng nagniningning na dagat. “Ibinilanggo ni Pugita sa kaniyang
mutyang perlas.” “Kung gayon, papatayin ko si Pugita,” sabi ng mata¬pang na Sundalong
Patpat. “Palalayain ko ang ulan.”
At sinugod ng
Sundalong Patpat sakay ng kaniyang kabayong payat ang yungib ni Pugita. Nagulat
si Pugita sa biglang pagpasok ng Sundalong Patpat na iwinawasiwas ang espadang
patpat. Nagulat si Pugita sa liksi at lakas ng maliit na Sundalong Patpat.
Nagulat si Pugita sa talim at talas ng kumikislap na espadang patpat.
Una at Ikalawang Pangkat: Mabilis at isa-isang tinigpas ng Sundalong Patpat ang
malalaki’t mahahabang galamay ng mabagal at matabang dambuhala. Isa, dalawa,
tatlo. Apat. Lima. Anim. Pito. Walo! Huli na nang magbuga ng maitim na tinta si
Pugita. Nasungkit na ng Sundalong Patpat ang mutyang perlas na nakapalawit sa
kuwintas ng nalumpong hari ng dagat!
Ikatlo at Ikaapat na Pangkat: Hawak ang perlas, dali-daling sumibad patungong pampang ang
Sundalong Patpat sakay ng mabilis na kabayong payat. Pag-ahon ay agad niyang
ipinukol ang mutyang perlas paitaas, mataas, mataas na mataas, hanggang umabot
sa tiyan ng ulap at sumabog na masaganang ulan.
Ikalimang Pangkat: Nagbunyi ang buong daigdig. Sumupling muli’t naglaro ang mga
damo’t dahon. Nagbihis ng lungtian ang mga bukid at bundok. Muling umawit ang
mga ibon at ilog...
Lahat:
“Saan ka pupunta, O, Sundalong Patpat,” tanong ng sampalok. “Saan ka na naman
dadalhin ng kabayong payat?” “Hahanapin ko ang gusi ng ginto sa puno ng
bahaghari,” sagot ng makisig na Sundalong Patpat at pinatakbo ang makisig na
kabayong payat.
Sunday, March 11, 2012
it's showtime!
halos pitong buwang pagpaplano, pag-eensayo at pag-arte bago maipalabas ang Walang Sugat. pero BUKAS, mapapanood na ng libre! kaya magkita-kita tayo sa AVR ng BHNHS para sa isang natatanging pagtatanghal ng WALANG SUGAT ni Severino reyes, sa direksyon ni Bb. Winnaflor Gaspar
Subscribe to:
Posts (Atom)